«AlmatyEnergoPaıdalaný» JShS Jeńistiń 65 jyldyǵyna oraı elektr qýatyna aqy tóleýde jeńildikter usynady

ALMATY. Sáýirdiń 6-sy. QazAqparat /Erlik Erjanuly/ - «AlmatyEnergoPaıdalaný» JShS Almaty qalasy men oblysy ákimdikteriniń qoldaýymen «Ardager - biz máńgi este saqtaımyz!» dep atalatyn aktsııa ótkizedi,

dep habarlaıdy QazAqparat.

Onda «AlmatyEnergoPaıdalaný» JShS-niń qyzmet kórsetý aımaǵynda turatyn Uly Otan soǵysynyń qatysýshylary seriktestik esebinen elektr qýatynyń 50 kVtsaǵatyna aqy tóleýden bosatylady. Bul aktsııa mamyrdyń 1-inen jeltoqsannyń 31-ine deıin sozylady. Qalalyq, oblystyq jáne aýdandyq ákimdikter men Memlekettik járdemaqy tóleý ortalyǵynyń qalalyq jáne oblystyq fılıaldary jáne Ardagerler keńesteri tapsyrǵan Uly Otan soǵysyna qatysqandardyń tizimi kompanııanyń saıtynda da ornalastyrylady.

Jalpy «AlmatyEnergoPaıdalaný» JShS Almaty qalasy men oblysy óńiriniń 2,3 mıllıon turǵyndary men 22 myń kásiporyndaryn elektr qýatymen qamtamasyz etetin uıym bolyp tabylady. Onyń qyzmet kórsetý aımaǵyna Almaty oblysynyń - Іle, Talǵar, Qarasaı, Jambyl, Eńbekshiqazaq, Uıǵyr, Raıymbek jáne Balqash aýdandary kiredi.