Almatydan ushatyn jolaýshynyń kóptigine baılanysty áýejaıǵa erte jetý usynylady

ALMATY. QazAqparat – Almatydan ushatyn jolaýshynyń kóptigine baılanysty áýejaıǵa erte jetý usynylady, dep habarlaıdy QazAqparat Air Astana áýekompanııasyna silteme jasap.

«Jolaýshylar aǵynynyń ósýine baılanysty Almaty áýejaıynda keptelis jazǵy maýsymnyń sońyna deıin jalǵasýy yqtımal. Reıske tirkelý jáne ushýǵa otyrǵyzý kezinde kidiristerdi boldyrmaý úshin jolaýshylardyń áýejaıǵa aldyn ala kelýi abzal», - delingen baspasóz málimdemesinde.