Almatydan Shýǵa qatynaý merzimi eki esege qysqarady - «QTJ» UK»

ASTANA. QazAqparat - Almaty-1- Shý temir jolynyń ekinshi teliminiń qurylysyn júrgizip, ony elektrlendirýdiń daıyndyǵy aıaqtaldy, dep habarlaıdy «QTJ» UK» AQ baspasóz qyzmeti.

Joba jetekshileri «Nurly jol» ekonomıkalyq saıasatyn basty baǵdarǵa alyp 110,7 shaqyrym temir jol magıstralyn jáne 30 shaqyrymdyq stansalyq joldardy salady.

Joba aıasynda kópirler, jol ótkelderi, sýaǵarlar júrgiziledi. Qazirgi tańda joldyń topyraq qabaty tóseldi.

Almaty-1- Shý aralyǵyndaǵy ekinshi jol telimi osy aralyqtaǵy ótkizý múmkindigin 3,2 esege kóbeıtip, táýligine 68 jup poıyzdardyń ótýine jetkizedi. Júk poıyzdarynyń júrý ýaqyty eki esege qysqarady.

«Jalpy negizgi jumystardyń barlyǵyn bıyl aıaqtap, kelesi jyldyń basynda paıdalanýǵa berýdiń josparlap otyrmyz»,- deıdi «QTJ» UK» AQ ókili M. Esilbaev.

Qurylys jumystary bastalǵan kezde poıyzdardyń qozǵalysyna kedergi keltirmeıdi.

Qazirgi kezde atalmysh jol teliminen táýligine 17 jup júk poıyzdary, 26 jolaýshylar poıyzdary, «Tulpar-Talgo» júrdek alty poıyzy ótip jatyr.