Almatydan Mańǵystaý men Semeıge qosymsha poıyzdar júretin boldy

NUR-SULTAN. QazAqparat – Almatydan Mańǵystaý men Semeıge qosymsha poıyzdar júretin boldy, dep habarlaıdy «Qazaqstan temir joly» UK» baspasóz qyzmeti.

««Jolaýshylar tasymaly» AQ jaz kezindegi suranystyń artýyna baılanysty «Almaty-2 – Mańǵystaý» baǵytyndaǵy №287/288 jáne «Almaty-2 – Semeı» baǵytyndaǵy №477/478 kommertsııalyq jolaýshylar poıyzy júretinin habarlaıdy. №287/288 poıyzy 2021 jylǵy 21 shildeden bastap, al, №477/478 poıyzy 2021 jylǵy 23 shildeden bastap Almaty-2 stantsııasynan aptasyna bir ret qatynaıdy» delingen habarlamada.

Ulttyq tasymaldaýshy bıletterdi BILET.RAILWAYS.KZ saıty nemese «QTJ bıletteri» mobıldi qosymshasy arqyly onlaın resimdeýdi ótinedi. Qajet bolǵan jaǵdaıda temirjol bıletterin satyp alý úshin «Kútý paraqshasy» fýnktsıonalyn paıdalanýǵa bolady.

Sonymen qatar karantın rejımine baılanysty jolǵa shyqqanda jáne vokzaldarǵa kirip-shyqqanda maska taǵý mindetti.