Almatydan Qostanaıǵa 120 tonna gýmanıtarlyq kómek jiberildi

ALMATY. QazAqparat– Almatylyqtar Qostanaıda órt saldarynan zardap shekken turǵyndarǵa 2 júk kóligimen 120 tonna gýmanıtarlyq kómek jiberdi, dep habarlaıdy QazAqparat tilshisi.

«Qalamyzdyń kúshimen barlyǵy 120 tonna kómek jınaldy, onyń ishinde azyq-túlik, kıim-keshek, birinshi kezekte qajetti zattar, sondaı-aq turmystyq tehnıka, qurylys materıaldary jáne arnaıy jabdyqtar (benzın generatorlary, qurylys quraldary jáne taǵy basqalar)»,- dep habarlady qalalyq ákimdikten.

Taǵy 4 júk kóligin jóneltýge daıyndap jatyr.

«Gýmanıtarlyq kómekti jınaýǵa jáne tıeýge eriktiler, kásipkerler jáne qala turǵyndary arasynan 200-den astam adam qatysty»,- dep atap ótti ákimdiktiń baspasóz qyzmeti.

Eske salsaq, Qostanaı óńirinde órtten zardap shekken turǵyndarǵa kómek berýge arnalǵan biryńǵaı qoǵamdyq qor quryldy.