Almatydan qashyp ketpek bolǵan bir top maroder ustaldy

ALMATY. QazAqparat - Almatydan qashpaq bolǵan bir top maroder ustaldy. Bul týraly qalasy komendatýrasynyń aqparattyq ortalyǵy málim etti, dep habarlaıdy QazAqparat tilshisi.

Medeý aýdandyq polıtsııa qyzmetkerleri Mańǵystaý oblysynyń bes turǵynyn ustady.

Olardan túrli saýda úılerinen urlanǵan zattaı aıǵaqtar tabyldy.

Kúdiktiler bul zattardy tonaý jolymen alǵanyn moıyndady.

Sondaı-aq, ustalǵandardan áskerı qyzmetshilerge tıesili shý granatalary, bas kıimderi, oq ótpeıtin kıim men qalqandary tárkilendi.

Atalǵan fakti boıynsha QR QK-niń 272-baby (Jappaı tártipsizdikterdi uıymdastyrý jáne oǵan qatysý) jáne QR QK-niń 188-baby (Bótenniń múlkin jasyryn jymqyrý) boıynsha sotqa deıingi tergeý bastaldy.

Kúdiktiler ýaqytsha ustaý ızolıatoryna qamaldy.

Qylmystyq is sotqa jiberiletin bolady.