Almatydan Alakólge qatynaıtyn Talgo poıyzdaryna bılet satyla bastady

NUR-SULTAN. QazAqparat – Almaty-Dostyq baǵytyndaǵy «Talgo» poıyzy 16 maýsym men 31 tamyz aralyǵynda qatynaıtyn boldy, dep habarlaıdy QazAqparat tilshisi.

Buǵan deıin «Atameken» ulttyq kásipkerler palatasy ýáde etilgen bıletterdiń satylmaı jatqanyn aıtyp, másele kótergen bolatyn.

«Jolaýshylar tasymaly» AQ baspasóz qyzmetiniń habarlaýynsha, bılet satylymy 8 maýsymda bastalǵan.

Jalpy Alakólge atalǵan 2 «Talgo» poıyzynan bólek 11 qalypty poıyz qatynaıdy.

Buǵan deıin QTJ Alakólge qatynaıtyn «Talgo» poıyzyna bılet nege satylmaı jatqanyn túsindirgen edi.

«Bul baǵytta ádettegi poıyzdar kedergisiz júrip jatyr jáne bılet bar. Al «Talgo» poıyzyna ázirge bılet satylyp jatpaǵanymyz ras. Buıyrtsa osy aptanyń sońynda ashylady dep otyrmyz. Sol jospar boıynsha 15-16 maýsymnan bastap «Talgo» qatynaı bastaıdy. Bul týraly buǵan deıin de habarlaǵanbyz. ıAǵnı, jospar boıynsha, «Talgo» poıyzyna bıletter aptanyń sońyna deıin satylymǵa shyǵady», - dedi kompanııanyń baspasóz hatshysy Mádı Muhamedqalı.