Almatydan Aqtóbege jańa poıyz shyqty

ASTANA. QazAqparat - Júrdek jolaýshylar qozǵalysy baǵdarlamasyn júzege asyrý aıasynda ústimizdegi jyldyń 1 tamyzynan bastap №49/50 «Almaty-2 - Aqtóbe» baǵytyndaǵy «Jibek joly» jolaýshylar poıyzyn saparǵa attandyrady.

Bul týraly «Jolaýshylar tasymaly» AQ baspasóz qyzmetinen habarlady. Poıyz quramy «Tulpar-Talgo» vagondarynan jasaqtalady. Baspasóz qyzmetiniń aıtýynsha, quram tórt kúnde bir ret qatynaıdy:

Almaty-2 stantsııasynan 1 tamyzda shyǵyp (ári qaraı 05, 09, 13, 17 jáne t.b.), Aqtóbege 2 tamyzdan bastap (ári qaraı 06, 10, 14, 18 jáne t.b.) kelip jetetin bolady.

Óz kezeginde Aqtóbeden 3 tamyzdan bastap attanyp (ári qaraı 07, 11, 15, 19 jáne t.b.), Almaty-2 stantsııasyna 4 tamyzdan bastap (ári qaraı 08, 12, 16, 20 jáne t.b.) kele bastaıdy.

Poıyz 23 vagonnan turady, onyń ishinde 2 «Bıznes», 2 «Grand», 14 «Týrıst», 1 vagon meıramhana, 1 vagon-kafeterıı.

Quram Shý, Jambyl, Shymkent, Arys-2, Túrkistan, Qyzylorda, Qazaly, Sekseýil stantsııalaryna aıaldaıdy. Aqtóbege deıingi jol 30 saǵat 08 mınýtty, qaıtar jol 29 saǵat 51 mınýtty quraıdy.