Almatydan 607 shaqyrym qashyqtyqta jer silkindi

ALMATY. QazAqparat - QR Tótenshe jaǵdaılar mınıstrligine qarasty «Seısmologııalyq tájirıbe-ádistemelik ekspedıtsııasy» JShS-niń seısmıkalq stantsııalar jelisi 1 naýryz kúni Almaty ýaqytymen saǵat 21.36-da jer silkinisin tirkedi, dep habarlaıdy QazAqparat.

«Zilzala oshaǵy ońtústik-shyǵysqa qaraı Almatydan 607 shaqyrym qashyqtyqta Qytaı aýmaǵynda bolǵan. Jer silkinisiniń energetıkalyq sanaty - 9.4. MPV magnıtýdasy - 4.1. Tereńdigi - 10 km. Sezilýi týraly aqparat joq», - delingen habarlamada.