Almatydan 344 km qashyqtyqta jer silkindi

ASTANA. QazAqparat - QR Bilim jáne ǵylym mınıstrligi Ǵylym komıtetiniń «Seımologııalyq tájirıbelik ádistemelik ekspedıtsııasy» memlekettik mekemesiniń seısmıkalyq stansalar jelisi 31 tamyzda Almaty ýaqytymen 12 saǵat 51 mınýt 51 sekýndta (2017 jyldyń 31 tamyz kúni Grınvıch boıynsha 06 saǵat 51 mınýt 51 sekýndta) jer silkinisin tirkedi, dep habarlaıdy QazAqparat. 

Zilzalanyń oshaǵy Almatydan ońtústik batysqa qaraı 344 shaqyrym qashyqtyqta Qyrǵyzstan aýmaǵynda boldy. Jer silkinisiniń energetıkalyq synyby - 9.5. MPV magnıtýdasy 3.9. Zilzala oshaǵynyń baǵyty 40.94° s.e. 74.07° sh.b. Tereńdigi 5 km. Jer dúmpýi Almaty qalasynda sezilmedi.