Almatydan 327 km qashyqtyqta jer silkindi

ALMATY. QazAqparat – QR Tótenshe jaǵdaılar mınıstrligine qarasty «Seısmologııalyq tájirıbe-ádistemelik ekspedıtsııasy» JShS-niń seısmıkalq stantsııalar jelisi búgin saǵat 06.49-da jer silkinisin tirkedi, dep habarlaıdy QazAqparat.

Jerasty dúmpýiniń oshaǵy Almaty qalasynan ońtústik-shyǵysqa qaraı 327 km qashyqtyqta Qytaı aýmaǵynda ornalasty.

Energetıkalyq sanaty – 9,4. MPV magnıtýdasy – 4,0. Tereńdigi – 5 km. MSK-64 baǵany boıynsha sezilý týraly málimet túsken joq.

Eske salaıyq, ótken jeltoqsan aıynda Almaty mańaıynda birneshe ret jer silkinisi tirkelgen bolatyn. Al 28 qańtar kúni saǵat 23:17-de bolǵan dúmpýdi Almaty qalasynyń turǵyndary sezindi. Qýaty - 2-3 ball. «Zaqym bolǵan nemese qıraǵan jaǵdaılar baıqalǵan joq, ahýal turaqty. «112» jáne «101» júıelerine turǵyndardan qońyraý túsken joq...», - delingen taratylǵan habarlamada.