Almatydaǵy zırattar 1-10 mamyr aralyǵynda jabyq bolady

ALMATY. QazAqparat - Almatydaǵy zırattar 1-10 mamyr aralyǵynda jabyq bolady. Bul týraly sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın aıtty, dep habarlaıdy QazAqparat tilshisi.

«Biz jappaı adam jınalatyn jerlerdi shekteýge tyrysamyz. Kóp adamdar zırattarǵa baratynyn bilemiz. Byltyr jaǵdaı jaqsarǵanǵa deıin keıinge qaldyrýǵa týra kelgen. Bıyl jaǵdaı kúrdelene túsedi, óıtkeni mýtatsııalanǵan shtamdar bar, úndi shtamynyń taralýy úlken alańdaýshylyq týdyrady. Men qala turǵyndarynan ata-ana kúnin neǵurlym qolaıly kezeńge aýystyrýdy suraımyn», - dedi Jandarbek Bekshın.

Sonymen qatar, ol zırattar 1 mamyrdan 10 mamyrǵa deıin jabyq bolatynyn aıtty.

«Biz dál osy kúnderi zırattarǵa barýdy shekteý týraly sheshim qabyldaımyz», - dedi ol.