Almatydaǵy Jibek joly bazary súrilmeıtin boldy

ALMATY. QazAqparat – Almatyda Jibek jol bazary súrilmeıtin boldy. 5000 jýyq kásipker óziniń saýda ornyn saqtap qaldy, dep habarlaıdy QazAqparat tilshisi.

Bul aqparatty qalalyq kásipkerler palatasynyń dırektorynyń orynbasary Aıtýar Qoshmambetov Facebook paraqshasynda aıtty.

Bul bazardyń jańadan salynǵan nysandaryn 2004, 2015 jyldary eksplýatatsııalyq komıssııa qabyldap alǵan bolatyn. Keıin Almaty mamandandyrylǵan aýdanaralyq ekonomıkalyq sotyna qalalyq Memlekettik sáýlet qurylys baqylaý basqarmasy aryzdanyp, sot bul qabyldaý aktilerin zańsyz dep taný týraly úkim shyǵarǵan edi.

24 shildede Almaty qalalyq soty aýdanaralyq ekonomıkalyq sottyń úkimin joqqa shyǵaryp jańa sheshim shyǵardy.

«Bul sot protsesine qalalyq kásipkerler palatasy belsene qatysty. Bir qyzyǵy - 2004, 2015 jylǵy qabyldaý aktileriniń zańdylyǵy daýǵa tústi. Birneshe jyl burynǵy aktilerdiń aryzdaný merzimi de baıaǵyda ótip ketken. Baqylaý organdary qalaısha bul qatelikti baıqamaǵan? Meniń áriptesterimniń kásibı áreketiniń arqasynda 5000 jalǵa berýshi kásipker óz ornyn saqtap qaldy. Endi bazar súrilmeıtin boldy», - dedi Aıtýar Qoshmambetov.

Esterińizge sala keteıik, buǵan deıin Almaty ákimdigi 2020 jylǵa qaraı qalanyń barlyq bazarlary qazirgi zamanǵa saı bolýy tıis dep málimdegen bolatyn.