Almatydaǵy Jetisý aýdanynyń turǵyndary esinep otyratyn ákimderine shaǵymdandy

ALMATY. QazAqparat - Almatydaǵy Jetisý aýdanynyń turǵyndary qala ákimi B.Saǵyntaevpen kezdesý barysynda, súriletin úılerdiń ótemaqy máselesin kóterdi. Sondaı-aq, jańa ákimi Maqsat Qıqymovqa narazylyq bildirdi, dep habarlaıdy QazAqparat tilshisi.

Seıfýllın men Jansúgirov kósheleriniń qıylysyna jol aıyryǵy túsedi. Osy mańdaǵy súriletin úılerdiń ıesi ádiletti ótemaqy alatyndarynan úmitti. Kúni búginge deıin 117 otbasy sot sheshimimen tárkilengen jer ýchaskeleri úshin ótemaqy ala almaı otyr. Osy másele boıynsha aýdan ákimi Maqsat Qıqymovpen kezdesken turǵyndar ákimderiniń kózqarasyna kóńilderi tolmaıdy.

«Jańa ákim ótemaqy máselesin sheshýge qyzyǵýshylyq tanytpady. Qaıta-qaıta esinep otyrdy. Ol bizdiń problemamyzdy bilmeıdi, qyzyqpaıdy da. (...). Bizdiń úıler qazir ákimdikke tıesili. Biraq ákimdik óz mindetterin oryndamaıdy, aqsha tólegen joq. Eki jyldan beri biz júgimizdi jınap qoıdyq», - deıdi turǵyndardyń biri Natalıa Galıakbarova.

Onyń aıtýynsha, ótken jyldyń basynda olar ótemaqylaryn alý kerek bolǵan, biraq kúni búginge deıin kútýde. Jalpy somasy shamamen 3,6 mıllıard teńgeni quraıdy.

«Bizge 20 qyrkúıekten keıin tólem jasalady dep ýáde berdi, endi aqshalaryńdy qazan aıynda alasyńdar deıdi. Bul másele qashan sheshiledi?», - dep surady ol Baqytjan Saǵyntaevtan.

Óz kezeginde ákim, ótemaqy máselesin sheshýge tyrysyp jatqanyn aıtty.

«Bul problema Sizderdiń aýdandaryńyzda ǵana emes. Jol aıyryǵyn salýǵa aqsha respýblıkalyq bıýdjetten bólindi. Biz ony ótemaqy tóleýge baǵyttap jatyrmyz. Sál shydańyzdar », - dedi B.Saǵyntaev.