Almatydaǵy jer úılerdiń birinen 2 tonnaǵa jýyq esirtki prekýrsory tárkilendi

ASTANA. QazAqparat – Іshki ister mınıstrliginiń ókili Shuǵyla Turlybek Almaty qalasynyń jeke sektorynan esirtki prekýrsorynyń qoımasyna yńǵaılap jabdyqtalǵan garaj tabylǵanyn málim etti, dep habarlaıdy QazAqparat tilshisi.

«Almaty qalasynyń jeke sektorynda prkýrsorlar qoımasyna yńǵaılap jabdyqtalǵan garajdy anyqtaldy.

Sol jerde polıtseıler esirtki zerthanasyna tasymaldaýǵa daıyndap qoıǵan 700 lıtr hımıkat quıylǵan 22 ydys tárkiledi. Uıymdastyrylǵan óndiris aýqymy eki apta saıyn 100 kelige deıin esirtki óndirýge múmkindik bergen. Qazirgi tańda jedel-tergeý sharalary jalǵasýda. Atalǵan fakti boıynsha polıtseıler jumys istep turǵan eki zerthanany jáne óndiriske tolyq daıyn bir zerthanany jáne 2 tonnaǵa jýyq prekýrsorlary bar qoımany joıdy. 84 keli sıntetıka jáne eki tonnaǵa jýyq prekýrsorlar tárkilendi», - dedi ol.

Atalǵan iske qatysy bar kúdiktiler 20 jylǵa deıin bas bostandyǵynan aıyrylýy múmkin.

«Ustalǵan adamdarǵa qatysty uıymdasqan topty qurǵany jáne oǵan basshylyq jasap, oǵan qatysqany jáne asa iri mólsherde esirtki zattaryn ótkizgeni úshin qylmystyq ister qozǵaldy. Bul baptar kúdiktilerdiń múlki tárkilenip, 20 jylǵa deıin bas bostandyǵynan aıyrý jazasyn kózdeıdi», - dedi Shuǵyla Turlybek.