Almatydaǵy jappaı tártipsizdik kezinde qansha avtokólik búlindi

ALMATY. QazAqparat - Almaty qalasy Qutqarý qyzmetiniń dırektory Beıseǵalı Júnisov jappaı tártipsizdik kezinde qansha kólik búlingenin aıtty, dep habarlaıdy QazAqparat tilshisi.

Spıkerdiń sózinshe, zaqymdanǵan barlyq kólik aıypturaǵyna jetkizildi.
«Bizdiń qyzmetkerler qańtardyń 5-nen bastap aıypturaǵyna qalada búlingen kólikterdi ákep jatyr. Búgingi kúnge deıin qala kóshelerinen 140 búlingen mashına jetkizildi, onyń ishinde memlekettik jáne jekemenshik kólik te bar. Onyń 47-i órtengen, 48-ne oq atylǵan. Oǵan qosa tonalǵan kólikter bar», - dedi ol.

Onyń aıtýynsha, kólikter negizinen Tóle bı, Raıymbek, Abaı, Nazarbaev, Jeltoqsan, Sátbaev kósheleri boıynan jáne Saın dańǵylyndaǵy kópir ústinen jetkizildi. Bul kólikterdiń barlyǵy jaramsyz. Jóndeýge kelmeıdi.