Almatydaǵy jaǵdaı qoǵamdy oılandyrýy qajet – Erlan Saırov

ALMATY. QazAqparat - Almatydaǵy jaǵdaı memleket pen qoǵamdy oılandyrýy qajet. Bul týraly Májilis depýtaty Erlan Saırov jelidegi paraqshasynda jazdy, dep habarlaıdy QazAqparat.

Onyń paıymynsha, sot sheshimderi ádiletti, túsinikti bolýy tıis. Bul búgingi úlken problema.

«Elimizde zańdylyq bolýy kerek. «Zań qatal, biraq ol zań» prıntsıpi ýnıversaldy bap. Degenmen, zańnyń ózi ádilettilik prıntsıpine negizdelýi tıis», - dep jazdy ol.

Erlan Saırov sot sheshimderi ádiletti, túsinikti bolýy tıis ekenin tilge tıek etti.

«Ádildik, gýmanızm arqyly ǵana zańnyń tolyq oryndalýyn qamtamasyz etýge bolady. Biraq, retsıdıvıst, separatıst, zorlyq- zombylyqqa jaqyn, adamnyń ala jibin attaıtyn azamattarǵa zań óte qatal bolýy abzal. Qarapaıym, zańdy oryndaıtyn, eńbekqor adamnyń múddesin qorǵaıtyn zańdar kerek. Sot sheshimderi ádiletti, túsinikti bolýy tıis. Bul búgingi úlken problema. Zań qatal, biraq taza, kirshiksiz, adal adamdar jaǵynda bolýy qajet, - dedi depýtat.

Aıta keteıik, Almatyda atys bolyp, 5 adam qaza tapty.

Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.