Almatydaǵy ýnıversıtettiń 1-kýrs stýdentteri túgeldeı onlaın formatta oqı bastady

ALMATY. QazAqparat – Koronavırýsqa baılanysty Abaı atyndaǵy Qazaq ulttyq ýnıversıtetiniń birinshi kýrs stýdentteri alǵashqy semestr aıaqtalǵansha qashyqtan oqıtyn boldy, dep habarlaıdy QazAqparat tilshisi.

Abaı atyndaǵy QazUPÝ-dyń birinshi kýrs stýdentteri jataqhanadan shyǵaryla bastady. Bul týraly osy oqý ornynda oqıtyn stýdenttiń ápkesi aıtty.

«Qyrkúıek aıy aıaqtalýǵa jaqyn qaldy, oqý protsesi áli de durys jolǵa qoıylǵan joq. Stýdentter ary- beri sandalyp júr. Aldymen olar oqý oflaın rejıminde bolatynyn aıtty, biz kelgen boıda oqý onlaın formatqa aýysqanyn jetikizdi. Sonymen qatar, eshkim jol shyǵynyn ótemeıdi. Birinshi kýrs stýdentteri jataqhanadan bir kún ótpeı -aq shyǵaryldy. Keıbir kámeletke tolmaǵan stýdentter kóshede qaldy. Kóptegen ata -ana balalaryn ornalastyryp ketip qalǵan. Olar oqý ornyna senip tapsyrdy ǵoı. Al tańerteń balalar kóshede qalǵany belgili boldy «, - dep ashýlandy stýdenttiń ápkesi.

Óz kezeginde, atalǵan joǵary oqý orny QR Bilim jáne ǵylym mınıstrliginiń kelisimi boıynsha ýnıversıtet basshylyǵy birinshi kýrs stýdentterin onlaın bilim berýge ýaqytsha aýystyrý týraly sheshim qabyldady dep jaýap berdi.

Sondaı -aq, jataqhanalarǵa ornalasý kezinde halyqtyń áleýmettik osal toptarynyń ókilderine basymdyq beriletinin aıtty.

«Birinshi kýrs stýdentterine de basymdyq beriledi, óıtkeni olar jańa jaǵdaılarǵa beıimdelýi kerek. Jataqhanaǵa 18 jasqa tolǵan jáne vaktsınatsına alǵan nemese medıtsınalyq anyqtamasy bar stýdentter ornalasady. Jataqhanamen birinshi kezekte vaktsınatsııalanǵan 1 kýrs stýdentteri qamtamasyz etiledi. Qazir olar turyp jatyr. Biz óz tarapymyzdan olarǵa jan -jaqty qoldaý kórsetemiz. Eger stýdentterge ketýge múmkindik bolmasa, onda olar jataqhanada turýdy jalǵastyra alady», - dep tolyqtyrdy ýnıversıtet.

Sonymen qatar, Almaty qalasynyń sanıtarlyq -epıdemıologııalyq baqylaý departamenti bul ýnıversıtette birinshi, ekinshi jáne úshinshi kýrstyń úsh stýdenti koronavırýspen aýyrǵanyn málim etti.

«Abaı atyndaǵy Qazaq ulttyq pedagogıkalyq ýnıversıteti ákimshiliginiń bastamasymen birinshi kýrs stýdentteri birinshi semestrdiń sońyna deıin onlaın oqýǵa jiberildi. Atalǵan oqý ornynda úsh stýdent koronavırýs juqtyrdy», – dedi Almaty qalasynyń sanıtarlyq -epıdemıologııalyq baqylaý departamenti basshysynyń orynbasary Sádýaqas Baıǵabulov.

Vedomstvonyń málimetinshe, bıylǵy jyldyń 1 qyrkúıeginen bastap 20 ýnıversıtette oflaın oqý formatynda 48 stýdent koronavırýs ınfektsııasyn juqtyrdy.

Ýnıversıtetterdiń 24 toby karantınge jiberildi, 12 top karantınnen keıin oraldy.