Almatydaǵy Ýnıversıadada Qazaqstan qaı orynnan kórinýi múmkin - mınıstr Muxamedıulynyń boljamy

ASTANA. QazAqparat - Úkimettiń búgingi otyrysynda mádenıet jáne sport mınıstri Arystanbek Muxamedıuly qazaqstandyq sportshylardyń buǵan deıingi ýnıversıadalarda qol jetkizgen jetistikterin eske aldy, dep xabarlaıdy QazAqparat tilshisi.

"Táýelsizdik jyldary ishinde Qazaqstan 12 birdeı Búkilálemdik ýnıversıadaǵa qatysyp, barlyǵy 44 medaldy ıelengen. Sonyń ishinde 18 altyn, 13 kúmis jáne 13 qola medal bar. Qazaqstannyń eń úzdik kórsetkishi 2015 jyly Slovakııa men Ispanııada ótken Dúnıejúzilik stýdenttik oıyndarda tirkeldi. Sol kezde biz 11 medal - 5 altyn jáne 6 kúmisti jeńip aldyq. Qazaqstannyń komandasy úshinshi orynǵa kóterilgen", - deıdi Muxamedıuly.

Onyń aıtýynsha, osy jolǵy sport dodasynda Qazaqstannyń quramasyna konkı tebý, short-trek pen mánerlep syrǵanaýdan myqty sportshylar qosylyp otyr. Osynyń arqasynda jalpykomandalyq esepte júldeli oryn úshin talasýǵa ábden bolady.

Aıta keteıik, Almaty qalasynda ótetin Ýnıversıadaǵa álemniń 59 elinen 2 myńnan astam sportshy qatysady .  Qazaqstannyń namysyn 168 sportshy qorǵaıdy .  Almaty qalysynyń ákimi Baýyrjan Baıbektiń aıtýynsha, Reseı, Qytaı, Kanada sııaqty memleketter Almaty Ýnıversıadasyna úzdik sportshylaryn attandyrǵaly otyr.