Almatydaǵy túngi klýbta sıntetıkalyq esirtki satqan azamat ustaldy

ASTANA. QazAqparat – Arnaıy operatsııa kezinde Almatydaǵy túngi klýbtardyń birinde sıntetıkalyq esirtki satyp kelgen azamat ustaldy, dep habarlaıdy QazAqparat tilshisi.

«Arnaıy operatsııa Almatynyń túngi klýbtarynyń birinde ótkizildi. Jedel ýákilder men polıtsııanyń arnaýly kúshteri oıyn-saýyq mekemesinde sıntetıkalyq esirtki satýmen aınalysatyn esirtki satýshyny ustady. Jeke tintý júrgizý kezinde kúdiktiden orama tárkilendi. Onyń ishinen aq untaq túrindegi sıntetıkalyq preparattar shyqty. Buryn kúdiktiniń jaqyn mańdaǵy túngi klýbta dı-djeı bolyp jumys istegeni anyqtaldy. Sonymen qatar, onyń tonaý qylmysyna baılanysty jazasyn ótep shyqqany belgili boldy», - dep málim etti mınıstrliktiń aptalyq brıfınginde vedomstvonyń ókili Shuǵyla Turlybek.

Qosa keteıik, ótken aptada elimizdiń aýmaǵynda 2 800 qylmys tirkelgen. Onyń 1 678-i táýilik ishinde ashyldy.