Almatydaǵy Tóle bı kóshesin uzartý úshin 270 jer ýchaskesin satyp alý qajet - ákimdik
Spıkerdiń aıtýynsha, Tóle bı kóshesi ıAssaýı kóshesinen qala shekarasyna deıin batys baǵytta 4,5 shaqyrymǵa uzartylmaq. Jol qurylysyna daıyndyq jumystary men materıaldardy satyp alý jumystary júrgizilip jatyr.
«Tóle bı kóshesin uzartý jumystary bıyl ǵana bastaldy. 270-ke jýyq jer ýchaskesi joldyń ústinde tur. Osy ýchaskelerdi satyp alý boıynsha aýqymdy jumys kútip tur. Tek sodan keıin ǵana ınjenerlik jelilerdi qaıta jańǵyrtý, jumystary bastalady. Soǵan qaramastan, «Alma sıtı» turǵyn úı kesheniniń turǵyndaryna qolaıly bolý úshin bıylǵy jyly Alataý dańǵylynan shyǵys baǵyttaǵy joldy Júnisov kóshesine deıin qosyp, kólik qoljetimdiligin qamtamasyz etýdi josparlap otyrmyz. Bul jergilikti turǵyndarǵa yńǵaıly bolmaq. Bolashaqta bul jol alty jolaqqa deıin keńeıtilip, negizgi jolǵa aınalady», - dedi ol.
Basqarma ókiliniń aıtýynsha, jer ýchaskelerin satyp alý shamamen 2023-2024 jyldarǵa josparlanyp otyr.
Sondaı-aq, spıker Áýezov kóshesiniń Gogol kóshesinen Raıymbek dańǵylyna deıingi uzyndyǵy 0,4 shaqyrym bóligi paıdalanýǵa berilgenin málim etti.
Qazirgi ýaqytta jalpy uzyndyǵy 6,2 shaqyrym bolatyn eki kósheni (Abaı dańǵyly, Saın kóshesi) uzartý jumystary jalǵasyp jatyr.
«Abaı dańǵylynyń uzartylǵan bóligindegi aspaly jaıaý júrginshiler ótkelderin abattandyrý jumystaryn tamyz aıynyń sońyna deıin aıaqtaýdy josparlap otyrmyz», - dedi Ernur Abjahan.
Sonymen qatar, ol Rysqulov dańǵylynan Móńke bı kóshesine deıingi Saın kóshesi 3,2 shaqyrymǵa deıin uzartylatynyn jetkizdi. Qurylys-montaj jumystary 40 paıyzǵa oryndaldy. Jumysty tolyq aıaqtaý 2023 jylǵa josparlanǵan.