Almatydaǵy teraktide jaraqat alǵan polıtseılerdiń biri aýrýhanadan shyǵýǵa daıyndalyp jatyr
«Qazir qala klınıkalarynda eki polıtseı jatyr. Atys saldarynan jaraqattanǵan tártip saqshylardyń biri beısenbi kúni, 4 tamyzda saǵat 12.00 aýrýhanadan shyǵýǵa daıyndalyp jatyr. Emdeý mekemesine túskende onyń hali aýyr bolǵan. Jaraqaty ómirine qaýip tóndirdi. Aq halattylardyń biliktiligi naýqastyń jaǵdaıynyń jaqsarýy men onyń emdelip shyǵýyna septigin tıgizdi»,- delingen habarlamada.
Aýrýhanadan shyqqan soń ony jetekshi dárigerler baqylaıdy, tolyq aıyqqanǵa deıin ambýlatorlyq emdeý qarastyrylǵan.
Taǵy bir naýqas qalalyq ortalyq klınıkalyq aýrýhananyń jansaqtaý bóliminde jatyr. Oǵan tıisti emdik sharalary qoldanylyp jatyr.
Osyǵan deıin 25 jáne 28 shildede qala klınıkasynan eki naýqas emdelip shyqty.
Eske sala keteıik, R. Kúlekbaev 2016 jylǵy 18 shildede Almaly aýdandyq Іshki ister basqarmasynda, QR UQK Almaty qalasy boıynsha departamenti ǵımaraty aldynda, Abaı dańǵyly men Baızaqov kóshesi jáne Abylaı han dańǵyly men Tóle bı kóshesi qıylysynda polıtsııa qyzmetkerlerine qarsy oq atqan bolatyn. Atys saldarynan úsh polıtsııa qyzmetkeri, bir shekara qyzmetiniń ókili jáne bir zeınetker mert bolyp, 8 adam jaralanǵan.
Sol kúni qalada terrorıstik qaýiptiń qyzyl deńgeıi engizildi, alaıda keshke qaraı ol sary deńgeıge aýystyryldy.