Almatydaǵy Táýelsizdik jarııalanǵan ǵımarat – tarıhı nysanǵa aınaldy
Tarıhı ǵımarat Almatynyń ortalyǵynda ornalasqan - ǵımarattyń negizgi qasbeti eski alań dep atalatyn «Astana» alańyna qaraıdy. Qazaq KSR Úkimet úıine arnalǵan ǵımarattyń qurylysy 1938 jyly bastalǵantyn. Soǵys jyldarynda toqtap qalǵan qurylys 1957 jyly aıaqtaldy, al 1972 jyly oǵan qosalqy eki ǵımarat salyndy.
1980 jylǵa deıin, bul ǵımaratta Joǵarǵy Keńes, Mınıstrler Keńesi jáne Qazaq KSR Kompartııasy Ortalyq Komıteti otyrdy.Táýelsizdik alǵannan keıin Almaty oblysynyń ákimdigi osynda ornalasty. 2001 jyldan bastap qazirgi ýaqytqa deıin - Qazaqstan-Brıtan tehnıkalyq ýnıversıteti (QBTÝ). 2016 jyly QBTÝ (Joǵarǵy Keńes) ǵımaratynyń qasbetinde QR memlekettik táýelsizdigi týraly» Konstıtýtsııalyq zańnyń qabyldanǵany týraly memorıaldyq taqta ashyldy.
QBTÝ-dyń PR-menedjeri Dıas Abylqasov, tarıhı ǵımaratqa «ekskýrsııa» jasaýǵa kelisti. Ol osy ǵımaratta jumys istegen burynǵy qyzmetkerlerdiń zeınetke shyqqanyn, biraq ǵımarattyń tarıhy týraly olardan biraz aqparat alyp qalǵanyn atap ótti.
Ótken jazda ǵımarattyń ortalyq zalynda demeýshilik qarajatpen jóndeý jumystary júrgizildi. El taǵdyry úshin sheshimder qabyldanǵan zaldy jańartýǵa bir aıdan astam ýaqyt ketti.
«Biz barlyq erejelerdi qatań saqtadyq, óıtkeni ǵımarat tarıhı eskertkish retinde memleket qorǵaýynda. Eń bastysy, biz kommýnıkatsııalardy qalpyna keltirdik: jylý, jeldetý, jańa dybystyq júıe ornatyldy, óıtkeni qazir bul bólme májilis zaly emes - bul ýnıversıtettiń qajettilikterine, onyń ishinde stýdenttik is-sharalarǵa arnalǵan bólme. Jaryq aýystyryldy, barlyq lıýstra qaldy, olarǵa jańa jaryqdıodty shamdar qoıdy. Parketi qaıta jyltyratyldy», - dedi Dıas Abylqasov.
QBTÝ-dyń dóńgelek zalynyń tóbesindegi kúmbezge kún batareıalary ornatyldy - bul zaldy jaryqtandyrý qajettiligin «jabýǵa» múmkindik berdi.
«Dóńgelek zalda eski oryndyqtardyń tósenishteri aýystyryldy. Óıtkeni taza bylǵarynyń tozyǵy ábden jetken. Jaramsyz boldy, eski qaptamany saqtaı otyryp, jańa tústi dermatınnen ázirlendi. Oryndar qatarlary depýtattar úshin arnaıy baılanyspen jabdyqtalǵan, ol jumys istemedi, biz jaı ǵana ústin aǵashpen jaýyp tastadyq », - dedi ol.
Zaldyń ekinshi qabatynda birneshe eski oryndyqtar óz pishininde saqtalǵan.
Joǵarǵy Keńestiń depýtattary otyrystarǵa Qazybek bı kóshesinen kirgen.
Qazir munda, túlekter alleıasy bar.
Ǵımarattyń dálizderinde keńestik dekor elementteri, eski shamdar, terezeler sol qalpynda saqtalǵan.
Qazir Qazaq KSR Kommýnıstik partııasynyń birinshi hatshysynyń kómekshileri otyrǵan keńselerdiń birinde professor QBTÝ halyqaralyq ekonomıka mektebiniń dekany, Geıvın Kretchmar jumys isteıdi.
«Men Qazaq KSR Kompartııasy Ortalyq Komıtetiniń birinshi hatshysy Dinmuhammed Qonaev jumys istegen jerde otyramyn. Men ózim Shotlandııadanmyn. Men ózimdi mýzeıde jumys isteıtindeı sezinemin. Biz Halyqaralyq ekonomıka mektebi kórshi zaldy London stılinde jasadyq - ol London room, dep atalady, al Qonaev otyrǵan bólme Kunaev room, dep atalady. Bul ǵımaratta Táýelsizdik qabyldandy, sondyqtan ǵımarattyń tarıhı mańyzdylyǵyn sózben aıtyp jetkizý múmkin emes», - dedi ol.
Professor qazaqstandyq stýdentterdiń bilimi joǵary deńgeıde ekenin tilge tıek etti. Sondaı-aq, Geıvın Kretchmar otbasymen qazaqstandyq sýretshilerdiń kartınalaryn jınaıdy, sondyqtan ol Qazaqstan týraly jaqsy biledi.
Munda Kommýnıstik partııa Ortalyq Komıtetiniń birinshi hatshysynyń da kabıneti boldy. Qazir ol aýdıtorııada sol kezdiń kartasy saqtalǵan.
Terezelerden ádemi saıabaqty kórýge bolady.
Ashana burynǵydaı qaldy. Onyń tek ishki kórinisi ózgertilgen.
Sondaı-aq, dál osy ǵımaratta astanany aýystyrý týraly sheshim qabyldandy.