Almatydaǵy tártipsizdik: dárigerlerge, polıtseıler men qutqarýshylarǵa ótemaqy tólendi
09:23, 27 Qańtar 2022
ALMATY. QazAqparat- Qala ákimi Baqytjan Saǵyntaevtyń tapsyrmasy boıynsha densaýlyq saqtaý salasynyń, quqyq qorǵaý organdarynyń, TJD jáne qutqarý qyzmetiniń tótenshe jaǵdaı kezinde zardap shekken jáne jumys istegen qyzmetkerlerine materıaldyq kómek berildi, dep habarlaıdy QazAqparat tilshisi.
Almaty qalalyq ákimdiktiń málimetinshe, atalǵan salalardyń zardap shekken qyzmetkerlerine ótemaqy tóleý dúısenbide bastaldy. Búginde qarjylaı kómekti 211 adam aldy. Ótemaqy tóleý jalǵasýda.
Sonymen qatar, tótenshe jaǵdaı kezinde jumys istegen qyzmetkerler yntalandyryldy. Onyń ishinde 3882 densaýlyq saqtaý salasynyń qyzmetkeri jalpy somasy 546,7 mln teńgege, 93 qutqarýshy - 13,1 mln teńgege jáne TJD 1207 qyzmetkeri - 126 mln teńgege.
Jaqyn kúnderi qalalyq Polıtsııa departamentiniń 3878 qyzmetkerine tolyq kólemde qarajat aýdarý aıaqtalady.