Almatydaǵy tártipsizdik boıynsha ustalǵandardyń portretteri jasaldy - Bas prokýratýra

NUR-SULTAN. QazAqparat – 741 kúdikti sot sanktsııasymen qamaýda otyr. Bul týraly Ortalyq kommýnıkatsııalar qyzmetinde QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Bıyldyń 16 aqpanyndaǵy jaǵdaı boıynsha Bas prokýratýranyń, Іshki ister mınıstrliginiń, Ulttyq qaýipsizdik komıtetiniń jáne Sybaılas jemqorlyqqa qarsy is-qımyl qyzmetiniń tergelýindegi barlyq qylmystyq ister boıynsha 741 kúdikti sot sanktsııasymen qamaýda. Olardyń ishinde 113-i buryn sottalǵan, 42-si tyıym salynǵan ekstremıstik uıymnyń qatysýshysy jáne 35-i uıymdasqan qylmystyq top ókili», - dedi E. Qılymjanov.

Osy oraıda ol qamaýǵa alynǵandardyń jeke bastary zerttelgenin jáne Almaty qalasyndaǵylar boıynsha olardyń portretteri jasalǵanyn atap ótti.

«Negizgi massada – olar joǵary bilimi jáne turaqty jumysy joq 30 jasqa deıingi jas adamdar.

Almaty qalasynda anonımdi saýalnama júrgizý barysynda árbir úshinshi qıratýshy jaǵdaıdy paıdalanyp, bótenniń múlkin urlaý arqyly paıda tabýdy qalaǵanyn moıyndady. Prokýratýra organdary azamattyq uıymdardyń ókilderimen birlese qamaýǵa alynǵandardyń jáne ustalǵandardyń jaǵdaıyn kúndelikti tekserýde», - dedi Bas prokýratýra ókili.