Almatydaǵy Saıran kólinde jas jigit qutqaryldy

ALMATY. QazAqparat - 16 qyrkúıekte keshke «109» qyzmetiniń qyzmetkerleri Almaty qalasynyń Tótenshe jaǵdaılar departamenti qyzmetkerlerimen birge Saıran kólinde batqan jigitti qutqardy, dep habarlaıdy QazAqparat tilshisi.

«Almaly aýdanynyń qutqarýshylary Saıran kóli jaǵasyn sharlap, sý betin sholýda álsiz bir qozǵalysty baıqaıdy. «109» qyzmetiniń qyzmetkerleri Igor Klýnskıı men Naıl Seıitov onyń sýǵa batyp bara jatqan adam ekenin anyqtady. Jigit jaǵadan 9 metr alysqa ketip qalǵan. Keıin dostary onyń sýǵa batyp jatqanyn kórgende, ázildep jatyr dep oǵan senbepti», - dep habarlady vedomstvodan.

Qutqarýshylar jigitti sýdan shyǵaryp aldy. Bozbala qaıyqtarǵa deıin júzip jetken, al keri qaıtarda áli bitip, sharshap qalǵan.

19 jastaǵy sýǵa batyp kete jazdaǵan jigit Saıranǵa dostarymen shomylýǵa kelgen.

«Kóbinese jazataıym oqıǵa óz kúshin durys baǵalamaýdan bolady. Sýǵa batyp bara jatqan adamdar, ádette agressıvti bolýy múmkin, biraq bul ashý emes, boıyn úreı jaılaǵan adam typyrshyp, kez kelgen zatqa qarmanady, ol meni de ustap, tómen tartty. Sondyqtan, eger dostary kómekke barǵanda olarǵa da qaýip tónetin edi», - deıdi qutqarýshylardyń biri. Maýsym aıynan beri qutqarýshylar 1 myń reıd júrgizip, 8,5 myń jadynama taratyp, 11 adam qutqardy, olardyń tórteýi - bala.

Qutqarý beketi kún sýytqanǵa deıin qaýipsizdikti qamtamasyz etedi.