Almatydaǵy Rixos qonaqúıiniń ákimshiligine aıyppul salyndy

ALMATY. QazAqparat – Megapolıstegi Rixos qonaqúıi ákimshiligine jappaı jınalys ótkizýge ruqsat bergeni úshin aıyppul salyndy. Bul týraly Jandarbek Bekshın aıtty, dep habarlaıdy QazAqparat tilshisi.

Jandarbek Bekshınniń sózinshe, Rixos qonaqúıiniń ákimshiligine jappaı jınalys ótkizýge ǵımaratty bergeni jáne uıymdastyrǵany úshin 30 AEK (87 510 teńge) aıyppul salyndy.

Sonymen qatar, ol sharaǵa qatysýshylar Almatyǵa bir kúnge ǵana ushyp kelgenin jetkizdi.

«Jumys áli de jalǵasyp jatyr. Tekserý prokýratýranyń ruqsatynan keıin júrgiziledi, anyqtalǵandardyń bári jazalanatyn bolady», - dedi ol.

Buǵan deıin, Jandarbek Bekshın Almatyda epıdemıologııalyq jaǵdaı áli de kúrdeli ekenin aıtqan bolatyn. Aptasyna 10 myńnan astam adamnan vırýs anyqtalyp jatyr.