Almatydaǵy Prezıdent rezıdentsııasy tarıhı eskertkishter tiziminen alynyp tastaldy
Atalǵan nysan taǵdyryna qatysty qujat QR Mádenıet jáne sport mınıstrliginiń resmı saıtynda jarııalandy.
«Kórsetilgen buıryqpen bekitilgen respýblıkalyq mańyzy bar tarıh jáne mádenıet eskertkishteriniń memlekettik tiziminde 31-tarmaq alynyp tastalsyn», - delingen mınıstrliktiń qujatynda.
«Respýblıkalyq mańyzy bar tarıh jáne mádenıet eskertkishteriniń memlekettik tizimin bekitý týraly» Qazaqstan Respýblıkasynyń Mádenıet jáne sport mınıstriniń 2020 jylǵy 14 sáýirdegi № 88 buıryǵyna ózgeris engizý týraly
BUIYRAMYN:
1. «Respýblıkalyq mańyzy bar tarıh jáne mádenıet eskertkishteriniń tizimin bekitý týraly» Qazaqstan Respýblıkasy Mádenıet jáne sport mınıstriniń 2020 jylǵy 14 sáýirdegi № 88 buıryǵyna (Normatıvtik quqyqtyq aktilerdi memlekettik tirkeý tiziliminde № 20397 bolyp tirkelgen) mynadaı ózgeris engizilsin.
2. Qazaqstan Respýblıkasy Mádenıet jáne sport mınıstrliginiń Mádenıet komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq qoldanysqa engizilgennen keıin úsh jumys kúni ishinde ony
Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy;
3) osy tarmaqta kózdelgen is-sharalar oryndalǵannan keıin úsh jumys kúni ishinde is-sharalardyń oryndalýy týraly málimetterdi
Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin
Qazaqstan Respýblıkasynyń Mádenıet jáne sport vıtse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Eske sala ketsek, buǵan deıin Almatydaǵy Prezıdent rezıdentsııasy súrilip, ornyna saıabaq salynatyny habarlandy.
Odan bólek, mamandar atalǵan nysannyń nelikten súriletinin túsindirdi.