Almatydaǵy orys memlekettik akademııalyq balalar men jasóspirimder teatry kúrdeli jóndeýden ótedi

ALMATY. QazAqparat- N. Sats atyndaǵy teatr aldaǵy ýaqytta kúrdeli jóndeýden ótedi. Ol qalanyń tarıhı-mádenı murasy tizimine engizildi. Bul týraly Almaty ákimi Erbolat Dosaev Áýezov aýdany turǵyndarymen kezdesýi barysynda aıtty, dep habarlaıdy QazAqparat tilshisi.

Shahar basshysymen kezdesýge kelgen N. Sats atyndaǵy teatrynyń ártisi Olga Korjeva ǵımaratty kúrdeli jóndeýden ótkizý máselesin kóterdi.

«2025 jyly N. Sats atyndaǵy orys memlekettik akademııalyq balalar men jasóspirimder teatry 80 jyldyǵyn toılaıdy. Ǵımarattyń syrtqy jáne ishki jelileri 90 paıyzǵa tozǵan.Tarıhı ǵımarat qashan jańartylady? Sondaı-aq teatr zamanaýı jabdyqtardy qajet etedi»,- dedi ol.

Erbolat Dosaev Sats atyndaǵy teatrdyń qala ómirinde alatyn orny erekshe ekenin atap ótti. 2021 jyly ǵımarat qalanyń tarıhı murasy retinde tanyldy.

«Kúrdeli jóndeýge qarajat bólindi, biraq men jobadan bas tarttym. Merdigerler aǵymdaǵy jóndeý jumystaryn júrgizýdi usyndy. Meniń oıymsha, bul teatrǵa paıda ákelmeıdi. Men Memleket basshysyna syrtqy qasbetin kúrdeli jóndeýden basqa, qosalqy ǵımarat salýǵa konkýrs jarııalaýdy usyndym. Teatrǵa jańa sahna kerek. Tujyrymdama men dızaınǵa baılanysty baıqaý osy jyldyń mamyr aıyna deıin aıaqtalady dep oılaımyz»,- dedi qala ákimi.

Aıtýynsha, sodan keıin joba ázirlenedi.

«Teatrdyń shyǵarmashylyq ujymyn 80 jyldyqqa deıin kúrdeli jóndeýdi aıaqtaýdy josparlap otyrmyz dep sendirgim keledi»,- deıdi Erbolat Dosaev.

Foto: time.kz