Almatydaǵy órt kezinde balalardy qutqarǵan Túrkııa azamaty marapattaldy

ALMATY. QazAqparat - Túrkııa eliniń azamaty Shúkir Gúnaı Almatydaǵy Túrkııanyń Bas konsýldyǵynda marapattaldy, dep habarlaıdy QazAqparat tilshisi.

Belgili bolǵandaı, Shúkir Gúnaı «Aqkent» turǵyn úı keshenindegi jantúrshigerlik órt kezinde 16-qabatta qoıý qara tútinyiń arasynda qalyp qalǵan áıeldi úsh balasymen birge qutqarǵan.

«Almatydaǵy órt kezinde anasy men úsh balasyn qutqarǵan bizdiń azamatymyz - Shúkir Gúnaıǵa jáne basqa da azamattarǵa adamı qundylyqtarǵa baı túrik-qazaq baýyrlastyǵyna qosqan úlesi úshin alǵys aıtamyz», - delingen Almatydaǵy Túrkııa bas konsýldyǵynyń habarlamasynda.

Eske salaıyq, 1 tamyz kúni Almatyda 16 qabatty úıde órt tutanǵanyn habarlaǵan edik.

Qyzyl jalyn saǵat 18:46 kezinde oqshaýlanyp, sóndirildi. Amaly qalmaǵan turǵyndar balalaryn terezeden laqtyrdy.

Zardap shekkenderdiń ishinde 2 júkti áıel bar.

Keıin Almaty qalalyq densaýlyq saqtaý basqarmasy bir adamnyń qaza tapqanyn habarlady.