Almatydaǵy óndiristik parkterdiń ınvestıtsııalyq áleýeti 4 mlrd teńgeden asty
Megapolıs ákimi Baqytjan Saǵyntaev Almatynyń ındýstrıaldy aımaǵyndaǵy tórt shaǵyn óndiristik parktiń qurylys qarqynymen tanysty. «Kaz Stroy Trade» JShS, «ADS Industries» JShS, «Ala Estate» JShS, «D&J Investments & Logistic» JShS. Bul kompanııalar 22 myń sharshy metr óndiristik alańdardy ashýǵa daıyn. Munda taý-ken, jıhaz jáne jeńil ónerkásip salalarynyń 30 kásiporyndary ashylyp, olarda 800-den jumys oryny qurylady.
Baqytjan Saǵyntaev ınjenerlik jelilerdi tartý, syrtqy árleý jáne aýmaqty abattandyrý jumystaryn merziminde ári sapaly aıaqtaýdy tapsyrdy. Indýstrıaldy aımaqtaǵy alǵashqy úsh óndiristik parkti iske qosý aǵymdaǵy jyldyń maýsym aıyna josparlanǵan. Investıtsııalyq jobalardyń quny 3,2 mlrd teńgeden astam.
Jalpy alańy 13,4 myń sharshy metrdi quraıtyn taǵy tórt shaǵyn óndiristik parkter Naýryzbaı, Alataý jáne Túrksib aýdandarynda quryldy. Olarda 32 kásiporyn ornalasqan, 230 jańa jumys orny ashyldy. Nysandar buryn jumys istemeı turǵan óndiristik bazalardy reknostrýktsııalaý arqyly jáne «Almaty Finance» JShS jeńildetilgen qarjylandyrý esebinen paıdalanýǵa berildi. Qurylysqa 1,1 mlrd teńgege jýyq jeke ınvestıtsııa salyndy.
Naýryzbaı aýdanyndaǵy «Brot Master» JShS shaǵyn óndiristik parki 2020 jyly iske qosyldy. Munda, 2,2 myń sharshy metr alańda tamaq ónerkásibi salasyndaǵy sýsyndar shyǵaratyn, kofe qýyratyn jáne qamyr daıarlaıtyn alty kompanııa ashyldy. Budan bólek, 2021 jyldyń sońyna deıin jańadan salynyp jatqan alańdar paıdalanýǵa beriledi.
Sondaı-aq, Naýryzbaı aýdanynda ótken jyldan beri alańy 4 myń sharshy metrdi quraıtyn «Ala Estate» JShS park jumys isteıdi. Qazirgi kezde munda jıhaz, galantereıa buıymdaryn, keńse taýarlaryn, betperde men tamaq oramalaryn shyǵaratyn 7 óndiristik park ashylǵan.
Túrksib aýdanynda «Samruk Group» JShS 5,7 myń sharshy metr alańdy daıyndady. Búginde munda qurylys materıaldaryn, qaǵazdan jasalǵan buıymdar men dezınfektsııalaýshy zattardy shyǵaratyn 16 shaǵyn kásiporyn óz jobalaryn iske asyrýda.
Alataý aýdanyndaǵy «Asia Prom Textile» JShS jańa óndiristik parkin iske qosý aǵymdaǵy jyldyń mamyr aıyna josparlanǵan.
Almaty ákimi Baqytjan Saǵyntaev kásipkerlerdiń qoljetimdi alańdardyń arqasynda bıznesin ashýǵa nemese keńeıtýge múmkindik alatyn shaǵyn óndiristik parkterdi qurý jobasynyń mańyzdy ekenin atap ótti.
Devalvatsııalyq táýekelderge qaramastan sharshy metr alańdy 5-7 jylǵa deıin jalǵa alýdyń saralanǵan baǵasy belgilengen. Osylaısha, qalada daıyn óndiristik alańdardyń tapshylyǵy máselesi sheshilýde.
Almaty ákiminiń bastamasymen jáne Almaty Business-2025 baǵdarlamasy aıasynda shaǵyn jáne orta bıznesti qoldaý jónindegi keshendi sharalar aıasynda júzege asyrylǵan jobanyń ereksheligi - ınvestorlarǵa jeńildikpen nesıe berý.
Sonymen birge, olar óz qarajattaryn bos ǵımarattardy qalpyna keltirýge nemese ınfraqurylymy bar jańa úı-jaı salýǵa jumsaıdy. Jobaǵa qosymsha retinde óndiristik parktiń qatysýshylaryna jylyna 2%-ben nesıe berý múmkindigi qarastyrylǵan.
Jalpy Almatyda shaǵyn jáne orta bıznesti qoldaýdyń túrli baǵdarlamalary aıasynda kásipkerlik salasynda 10 myńnan astam jumys ornyn qurý mindeti qoıyldy, bul megapolıs ekonomıkasynyń damýyna yqpal etpek.