Almatydaǵy kommýnaldyq kólikter tolyqtaı gazben júretin bolady

ASTANA. QazAqparat - Almatydaǵy ekologııalyq ahýaldy jaqsartý úshin kólik, jylý elektr stansalary men kúl-qoqys máselesine basa nazar aýdarý qajet. Bul jóninde keshe Energetıka mınıstri Qanat Bozymbaev Almatyǵa jumys sapary kezinde málimdedi, dep habarlady www.24.kz.

Kún saıyn qala kóshelerinde 700 myńǵa jýyq kólik júıitkıdi. Sondyqtan byltyr keıbir kóshelerde qoǵamdyq kólik júretin arnaıy jolaq belgilengen. Al endi 23 maýsymnan bastap kólik turaǵy aqyly bola bastady. Kúni boıy qańtarylǵan kóligi úshin turaq baǵasy da artady, sondyqtan endi turǵyndar avtobýstar men trolleıbýs nemese metromen qatynaýǵa kóshe bastaıdy degen úmitte. Sondaı-aq bıyl Almatydaǵy qoǵamdyq kóliktiń tek jartysy tabıǵı gazǵa kóshiriledi. Munymen qatar iri jylý elektr ortalyǵy gazǵa aýystyrylǵan. Jıynda Qanat Bozymbaev shahardaǵy tıisti mekeme basshylaryna gazǵa aýystyrý jobalaryn jasap, mınıstrliktiń qaraýyna jiberý kerketigin aıtty.

 «Eski-qusqy qaǵazdar, jaramsyz elektr buıymdary men basqa da turmystyq qaldyqtardy aldyn ala óńdep almaı, jerge kómýge ruqsat berilmeıdi. Bul talapty 2019 jyldan bastap oryndaý kerek. Demek, qaldyqtardy qaıta óńdeýge den qoıý  qajet. Ol ekologııaǵa da, ekonomıkaǵa da tıimdi», - dedi QR Energetıka mınıstri Qanat Bozymbaev.