Almatydaǵy qoǵamdyq tamaqtaný oryndary men qonaq úılerdiń 43 paıyzy Ashyq jobasyna qatysady
Onyń aıtýynsha, megapolıste 9 600-den astam kásiporyn Ashyq qosymshasyn qoldanady. Oǵan 7 017 jeke kásipker men zańdy tulǵa tirkelgen. Onyń 43,5 paıyzy – qoǵamdyq tamaqtaný oryndary men qonaqúıler.
Sonymen qatar, ol 32 qyzmet túri boıynsha kásiporyndar jobanyń qatysýshysy bola alatynyn jetkizdi. Eger 2 tamyzdaǵy jaǵdaı boıynsha Almaty qalasynda barlyǵy 6 419 qatysýshy bolsa, búginde olardyń sany 9 611-ge jetti.
«Ashyq qosymshasyn tıimdi paıdalanatyn 5 qyzmet túrin atap ótkim keledi. Bul tizimge qoǵamdyq tamaqtandyrý obektileri – 2755 qatysýshy, qyzmet kórsetý obektileri (sulýlyq ortalyqtary men salondary, manıkıýr men pedıkıýr, kosmetıkalyq jáne sulýlyq shashtaraz qyzmetteri) - 1548, bólshek saýda obektileri –1508, bilim berý obektileri – 1149, fıtnes jáne sport klýbtary - 543 kiredi. Eriktiler sany artty», – dep qosty Aıtýar Qoshmambetov.