Almatydaǵy kásiporyndar ındýstrııalyq aımaqqa kóshiriledi – Asqar Ámrın
Sessııa barysynda depýtattar qala basshylyǵyna óz suraqtaryn qoıdy.
«Turǵyndardy tolǵandyratyn máseleniń biri – qalamyzdyń ishinde ornalasqan iri ónerkásipter. Solardy qalanyń syrtyna shyǵarý kerek. Ózińiz biletindeı, Túrksib, Jetisý aýdandarynda «Temirbeton», sondaı aq basqa da kásiporyndar sanıtarlyq norma saqtamaı, turǵyn úılerge jaqyn ornalasqan. Osy máselege baılanysty qalamyzdyń bas josparynda qandaı jumystardy júrgizý josparlanýda?»,- dep surady depýtat Dastan Jantelıev.
Asqar Ámrın atalǵan másele ákimdik baqylaýynda ekenin jetkizdi.
«Bul suraq bizdiń baqylaýymyzda, ony sheshý maqsatynda birqatar is-shara josparlanǵan. Bıyl «Soltústik» polıtsentriniń master-jobasy ázirlenedi. Onyń ishinde ındýstrııalyq aımaqqa kóshirýi qarastyrylǵan. Qańtar aıynda aglomeratsııany damytý týraly zańy shyqty, zańǵa sáıkes aglomeratsııa keńesi qurylyp jatyr. Keńes kásiporyndardy ındýstrııalyq aımaqqa jáne aglomeratsııasynyń aýmaqtaryna kóshýi qarastyratyn bolady»,- dep jaýap berdi qala ákiminiń orynbasary.