Almatydaǵy kásipqoı boks keshi: Angelına Lýkas UBO chempıony atandy

ALMATY. QazAqparat – Qazaqstandyq boksshy Angelına Lýkas (2-0, 1 KO) Almatyda ótip jatqan keshte kásipqoı rıngtegi úshinshi aıqasyn ótkizdi, dep habarlaıdy QazAqparat Sports.kz-ke silteme jasap.

A.Lýkas UBO nusqasy boıynsha ekinshi asa jeńil salmaqtaǵy álem chempıony tıtýly úshin Tanzanııa ókili Lýlý Kaıagemen (8-8-4, 2 KO) kezdesti.

Jekpe-jek eki mınýttan 10 raýndqa esepteldi jáne ol qazaqstandyq boksshynyń jeńisimen aıaqtaldy. Ekinshi raýndtan keıin A.Lýkastyń qarsylasy aıqasty jalǵastyrýdan bas tartty.

Osylaısha, Angelına Lýkas kásipqoı boksta úshinshi ret jeńiske jetti jáne UBO-nyń álem chempıony atandy.

Al Lýlý Kaıage profı-rıngte toǵyzynshy ret jyǵyldy. Eske salaıyq, Angelına osyǵan deıingi jekpe-jeginde UBO International tıtýlyn jeńip alǵan bolatyn.

Qazaqstan boksshylary 11 jeltoqsan kúni Almatydaǵy «Barys Arenada» ótetin keshte birden úsh tıtýldy aıqas ótkizetinin jazǵan edik.

Basty jekpe-jekte birinshi jartylaı orta salmaqtaǵy Janqosh Turarov pen Lýıs Enrıke Romero jartylaı orta salmaqtaǵy IBO Intercontinental chempıony ataǵyn sarapqa salady.