Almatydaǵy kásipkerlerge qandaı kómek kórsetilip jatyr
Onyń aıtýynsha, Almaty kásipkerlerine qarjylaı kómek kórsetý kólemi jyl saıyn artyp keledi. Sonymen qatar, ol QR Prezıdenti Qasym-Jomart Toqaevtyń tapsyrmasy boıynsha «Bıznestiń jol kartasy» memlekettik baǵdarlamasy odan ári damıtynyn atap ótti. «Bizdiń qalamyzda bızneske barlyq deńgeıde qoldaý kórsetiledi: oqytý, keńes berý, ınfraqurylymdyq, qarjylyq. Jyl saıyn «Bıznestiń jol kartasy» baǵdarlamasynyń bıýdjeti ósip, úsh jylda 31 mlrd teńgege jetti. Bıyl bıýdjet 17,7 mlrd teńge boldy. Bul ótken jylmen salystyrǵanda 2,2 ese kóp», - dedi Kásipkerlik jáne ınvestıtsııalar basqarmasy basshysynyń orynbasary.
Bólingen qarajattyń 690 mıllıony qaıtarymsyz granttarǵa, qalǵandary sýbsıdııalaýǵa jáne ishinara kepildendirýge baǵyttaldy. Spıker búgingi tańda 154 mlrd teńge nesıe somasyna 2 332 joba maquldanǵanyn tilge tıek etti. Baǵdarlamanyń arqasynda 1 600-den astam jumys orny ashyldy. «Bul rette jobalardyń eń kóp sany saýda salalarynda – 17%, ákimshilik jáne qosalqy qyzmet kórsetýde – 15%, ónerkásipte – 13% qarjylyq qoldaý aldy. Budan basqa, jobalardyń 60%-y negizgi quraldardy, úı-jaılardy, jabdyqtardy satyp alýǵa qarjylandyrylady. Saýda salasynda nesıeler aınalym qarajatyna alynady»,- dep túsindirdi ol. Qalıbek Aqylbekov qarasha aıynda respýblıkalyq bıýdjetten «Bıznestiń jol kartasy» baǵdarlamasy boıynsha 1 mlrd teńge kóleminde qosymsha qarjy bólý josparlanǵanyn atap ótti. Osylaısha, memleket bızneske qoldaý kórsetýdi jalǵastyrady, bul pandemııa kezinde óte mańyzdy. Kásipkerlik jáne ınvestıtsııalar basqarmasy basshysy orynbasarynyń aıtýynsha, qoldanystaǵy túrli baǵdarlamalardyń arqasynda Almaty kásipkerleri ekonomıkalyq belsendilikti jalǵastyrýda, jumyssyzdyqqa jol berilmeıdi. «Bizdiń qalamyzda daǵdarysqa qarsy túrli sharalar júzege asyrylýda, olardyń biri – shaǵyn jáne orta bıznes sýbektilerine memlekettik granttar usyný. Eger 2018-2019 jyldary jyl saıynǵy bıýdjet 145 mln teńgeni qurasa, orta eseppen 80 joba qarjylandyrylsa, 2020 jyly pandemııa kezinde qarjylandyrý somasy 5 mln teńgege deıin ósti», - dedi spıker. Byltyr jergilikti bıýdjetten 705 mln teńge bólindi. Bıyl da sonsha qarjy qarastyryldy. «Kóktemde birinshi kezeńde 421 joba qaralyp, 513 mln teńgege 162 joba qoldaý tapty, onyń ishinde halyqtyń áleýmettik osal toptary sanaty boıynsha – 106 joba. Negizinen ónerkásip salasyndaǵy jobalar qarjylandyryldy, olar shamamen 69 paıyz. Qazirgi ýaqytta granttardy konkýrstyq irikteýdiń ekinshi kezeńi júrip jatyr. Búginde 1 300 ótinim kelip tústi», - dedi Qalıbek Aqylbekov. Vedomstvo ókiliniń aıtýynsha, almatylyq kásipkerler ekonomıkalyq ósim qarqynyn jedeldetip, jańa jumys oryndaryn ashady. «2020 jyly qarjylandyrylǵan jobalar monıtorınginiń nátıjeleri boıynsha qazirgi ýaqytta jobalardyń shamamen 30%-y iske qosyldy, 105 jumys orny ashyldy «, - dep atap ótti spıker.