Almatydaǵy Indýstrıaldy aımaqta quny 39,7 mlrd teńgeni quraıtyn 11 joba iske qosylady
11:15, 26 Aqpan 2020
ALMATY. QazAqparat – Almatyda Indýstrıaldy aımaqta 2020 jyly jalpy quny 39,7 mlrd teńge bolatyn 11 jańa joba iske qosylady, dep habarlaıdy QazAqparat tilshisi.
«Indýstrıaldy aımaq» JShS baspasóz qyzmetiniń habarlaýynsha, búginde atalǵan arnaıy ekonomıkalyq aımaqta 54 kompanııa jumys jasap jatyr.
«Bul jobalarǵa 237 mlrd teńge kóleminde ınvestıtsııa tartylǵan. Sonymen qatar, 7,8 myń jumys oryn ashylǵan. Al bıyl taǵy jańa 11 joba iske qosylatyn bolady. Oǵan 39,7 mlrd teńge qarjy tartylyp, 1575 adamdy jumyspen qamtý múmkindigi paıda bolady. Al 2021 jyly quny 129 mlrd teńge bolatyn taǵy 31 joba kezegin kútip tur», - dedi baspasóz qyzmetinen.
Erteń «Indýstrıaldy aımaq» basshylyǵy tartymdy jobalardy tanystyrý úshin bıznes qaýymdastyqpen kezdesý uıymdastyrmaq. Onda kásipkerlerge ónerkásip parkiniń ınvestıtsııalyq múmkindigi jaıly jan-jaqty aıtylady.