Almatydaǵy HQKO 80 myńnan astam sheteldikke qyzmet kórsetti

ALMATY. QazAqparat- 21 qyrkúıekten bastap Reseıde ishinara jumyldyrý týraly habarlandyrýdan keıin bizge kelgen reseılikterdiń aǵymy artty. Bul týraly Óńirlik kommýnıkatsııalar qyzmetiniń alańynda «Azamattarǵa arnalǵan úkimet» memlekettik mekemesiniń Almaty qalasy boıynsha fılıalynyń dırektory Abdýrasýl Quldashov málim etti, dep habarlaıdy QazAqparat tilshisi.

Abdýrasýl Quldashovtyń aıtýynsha, Almatyda 8 aýdandyq, 4 mamandandyrylǵan bólim, bir kóshi-qon qyzmeti ortalyǵy jumys isteıdi. «Aǵymdaǵy jyldyń 1 qańtar men 26 qyrkúıek aralyǵynda 81 156 qyzmet kórsetildi. Onyń ishinde «Qazaqstan Respýblıkasyna ýaqytsha kelgen sheteldikter men azamattyǵy joq adamdar úshin jeke sáıkestendirý nómirin qalyptastyrý» boıynsha 74 698 qyzmet kórsetildi.

«Sheteldikter men azamattyǵy joq adamdarǵa QR-da ýaqytsha turýǵa ruqsat berý» boıynsha – 6 458 qyzmet», - dedi spıker. Sonymen qatar, ol 21 qyrkúıekten 26 qyrkúıekke deıin «Qazaqstan Respýblıkasyna ýaqytsha kelgen sheteldikter men azamattyǵy joq adamdar úshin jeke sáıkestendirý nómirin qalyptastyrý» memlekettik kórsetiletin qyzmetti alý úshin 2 851 qyzmet alýshy júgingenin atap ótti. «Aıta ketsek, reseılikter Qazaqstanda JSN-di rezıdent emester retinde rásimdeýde. Sheteldikterge jáne azamattyǵy joq adamdarǵa Qazaqstan Respýblıkasynda ýaqytsha turýǵa ruqsat berý» memlekettik kórsetiletin qyzmetti alý úshin 474 qyzmet alýshy júgindi. Eki qyzmettiń de daıyndalý ýaqyty 1 jumys kúni»,- dedi ol. Buǵan deıin Abdýrasýl Quldashov Almaty qalasynda kúsheıtilgen HQO «Qulager» shaǵynaýdany, Serikov kóshesi, 6A (2-qabat) mekenjaıynda jumys isteıtiniń týraly aıtqan bolatyn.

Onda azamattardy qabyldaý úshin 20 jumys orny, uıymdastyrý tehnıkasymen jabdyqtalǵan daıyn qujattardy berý úshin eki oryn quryldy. Bólim qyzmet alýshylar úshin 50 oryndy kútý zaly, aýyz sýy bar dıspenser, temperatýrany baqylaý qolaıly jaǵdaılarymen jabdyqtalǵan.