Almatydaǵy halyqqa qyzmet kórsetý ortalyǵy tólemderdi zańsyz alǵan

ALMATY. QazAqparat- Almaty qalasynyń prokýratýrasy halyqtyń áleýmettik osal toptarynan qujattaý qyzmetteri úshin memlekettik bajdy alý zańdylyǵyna taldaý júrgizdi, dep habarlaıdy QazAqparat tilshisi.

Qadaǵalaý organynynyń málimetinshe, salyq jáne bıýdjetke tólenetin basqa da mindetti tólemder týraly» QR kodeksiniń 622-babyna sáıkes Qazaqstan Respýblıkasy azamattarynyń pasporttary men jeke kýálikteri, sondaı-aq shetel azamatynyń Qazaqstan Respýblıkasynda turýyna yqtııarhat jáne azamattyǵy joq adamnyń kýálikteri berilgen kezinde adamdardyń belgili bir sanaty memlekettik baj tóleýden bosatyldy.

«Olarǵa soǵys ardagerleri, olarǵa teńestirilgen adamdar; múgedekter; qarttar men múgedekterge arnalǵan jalpy úlgidegi medıtsınalyq-áleýmettik mekemelerde turatyn qarttar; balalar úılerinde jáne (nemese) ınternattarda turatyn jetim balalar men ata-anasynyń qamqorlyǵynsyz qalǵan balalar; jetim balalar men ata-anasynyń qamqorlyǵynsyz qalǵan balalar; «Batyr ana» ataǵyna ıe bolǵan, «Altyn» jáne «Kúmis» alqamen nagradtalǵan kópbalaly analar jatady»,- dep habarlady prokýratýradan.

Qadaǵalaý organy, taldaý júrgizý barysynda HQKO-da áleýmettik osal sanattaǵy 400-den astam tulǵadan 22 myń teńgege deıin memlekettik baj negizsiz alynǵanyn anyqtady.

Almaly aýdanynyń prokýratýrasy «Azamattarǵa arnalǵan úkimet» KEAQ atyna zańdylyqty buzýshylyqty joıý týraly usynys engizdi.

«Ony qaraý qorytyndysy boıynsha aqshany qaıtarý boıynsha sharalar qabyldanýda, KEAQ basshylyǵy tártiptik jaýapkershilikke tartyldy»,- dep atap ótti vedomstvadan.