Almatydaǵy Baganashil Hills kottedj qalashyǵy buzylýy múmkin
Búgin Almaty ákimi Erbolat Dosaev Bostandyq aýdany turǵyndarymen kezdesti. Onyń barysynda aýdan turǵyndary basshylyqqa ózderin tolǵandyrǵan jaıttarǵa qatysty suraqtaryn qoıdy.
«Men Bostandyq aýdanynda ornalasqan «Alataý-2» baý-baqsha seriktestiginde turamyn. Burynǵy ózen arnasynyń ornyna, ıaǵnı saıda Baganashil Hills kottedj qalashyǵynyń qurylysy bastaldy. Sonyń saldarynan keıbir kórshi úılerdiń qabyrǵasy jarylyp jatyr. Birneshe jyldan keıin bul barlyǵyna qıyndyq týdyrýy múmkin, óıtkeni ol - ózen arnasy»,- dedi aýdan turǵyny.
Qala qurylysyn baqylaý basqarmasynyń basshysy Baqytjan Naýryzbekov atalǵan qurylysqa qatysty istiń sotqa joldanǵanyn málim etti.
«Búgingi kúni biz qurylysty buzý úshin sotqa júgindik. Onda 10-ǵa jýyq eki qabatty jeke turǵyn úıdiń qurylysy zańsyz bastaldy. Qurylysqa tyıym salý boıynsha talap-aryz daıyndalý ústinde»,- dep jaýap berdi basqarma basshysy.