Almatydaǵy aýyr mashına jasaý zaýytynyń jumysshylary Elbasy ókilettiliginiń uzartylýyn qalaıdy - zaýyt ujymy

ALMATY. 30 jeltoqsan. QazAqparat- /Ádilet Musahaev/ - «Almatylyq aýyr mashına jasaý zaýyty» AQ-nyń jumysshylary Elbasynyń ókilettiligin 2020 jylǵa deıin uzartý jónindegi bastamany qoldaıdy. Bul jaıynda zaýyttyń ujymy búgin ótken mıtıngte málim etti.

"Nur Otan" HDP qalalyq fılıaly tóraǵasynyń birinshi orynbasary Mahambet Beıdáli Almatyda jergilikti yntaly toptardyń qatysýymen kóptegen kásiporyndar men mekemeler ujymdary jıyndar ótkizip, Elbasynyń ókilettiligin uzartý jónindegi shyǵysqazaqstandyqtardyń bastamasyn qoldaıtyndyqtaryn jetkizip jatqandyqtaryn aıtady. "Biz barlyq jerde atalǵan bastama qoldaý taýyp jatqandyǵyn kórýdemiz. Qazaqstandyqtar keleshekke optımısti kózqaraspen qaraıdy. Elbasynyń basshylyǵymen kóptegen jumys oryndarynyń ashylýyna septigin tıgizip, elimizdiń ekonomıkasynyń odan ári damýyna negiz bolatyn jyldamdatylǵan ındýstrıaldy - ınnovatsııalyq damýdyń baǵdarlamasy iske asatynyna senemiz",-deıdi M. Beıdáli.

Atalǵan zaýyttyń №3 tsehynyń bastyǵy Vıktor Sınıtsyn da kóterilgen bastamany túgeldeı qoldaıtyndyǵyn aıtady. "Qazaqstandyqtar Prezıdentti turaqty damýdyń kepili retinde biledi. Biz otbasymyzben N. Nazarbaevqa daýys berýge barǵan edik, al, qazir referendým ókizý jónindegi bastamany qoldaımyz",-dep atap ótti óz sózinde V. Sınıtsyn.

Jıyn barysynda zaýyttyń 500-den astam jumysshy ujymy referendýmdy qoldaıtyndyqtaryn bildirip, qol qoıdy.