Almatydaǵy Áýezov teatryna jańa dırektor taǵaıyndaldy
«Qazaqstan Respýblıkasy Mádenıet jáne sport mınıstrliginiń 2018 jylǵy 12 aqpandaǵy buıryǵymen Qazaqstannyń eńbek sińirgen qaıratkeri, teatr rejısseri Ashat Maemırov M.Áýezov atyndaǵy Qazaq Memlekettik akademııalyq drama teatrynyń dırektory qyzmetine taǵaıyndaldy», - dep habarlady teatrdyń baspasóz qyzmeti.
Ashat Maksımuly - Qazaqstannyń eńbek sińirgen qaıratkeri, fılosofııa ǵylymdarynyń doktory (PhD), «Bolashaq» Prezıdenttik stıpendııasynyń ıegeri, T.Júrgenov atyndaǵy Qazaq ulttyq óner akademııasynyń túlegi. 2008 jyly Sorbona ýnıversıtetiniń magıstratýrasynda bilim alyp, Frantsııadaǵy Parıj Ulttyq drama óneri konservatorııasynda taǵylymdamadan ótken.
2010 jyly Máskeýdiń ataqty joǵarǵy oqý orny GITIS-te - Reseı teatr óneri akademııasynda «Rejıssýra magıstri» ǵylymı ataǵyn aldy.
2015 jyly T.Júrgenov atyndaǵy Qazaq Ulttyq óner akademııasynyń doktorantýrasyn támamdap, «Qazaqstannyń teatr rejıssýrasy: sabaqtastyq pen jańashyldyq (1991-2015 jj.)» taqyrybynda doktorlyq dıssertatsııasyn qorǵap, «Fılosofııa doktory» ǵylymı dárejesine ıe boldy.
Eńbek jolyn A. Maemırov Batys Qazaqstan oblystyq qazaq drama teatrynda rejısser bolyp bastaǵan. Qurmanǵazy atyndaǵy Oral mýzykalyq kolledjinde «Akterlik óner» bóliminiń meńgerýshisi, T. Júrgenov atyndaǵy Qazaq ulttyq óner akademııasynyń «Teatr óneri» fakýltetiniń dekany, T. Júrgenov atyndaǵy Qazaq ulttyq óner akademııasynyń «Akter sheberligi jáne rejıssýra» kafedrasynyń dotsenti boldy.
Qazaqstandyq mádenıettiń kósh basyndaǵy eń iri mýzykalyq ujymdardyń biri - «Qazaqkontsert» memlekettik kontserttik uıymyn basqardy.
Búgingi taǵaıyndaýǵa deıin A. Maemırov elordalyq «Astana mıýzıkl» teatrynyń kórkemdik jetekshisi boldy.
Eske sala ketsek, qańtar aıynda M.Áýezov atyndaǵy Qazaq memlekettik Akademııalyq drama teatrynyń burynǵy dırektory, belgili akter Erlan Bilál para alyp jatqan jerinen ustalǵan edi.