Almatydaǵy «Alma Sıtı» turǵyn úı kesheniniń nelikten jylý júıesine qosylmaǵany belgili boldy

ALMATY. QazAqparat - Almaty qalasy energetıka jáne sýmen jabdyqtaý basqarmasynyń Naýryzbaı aýdany E5 «Alma Sıtı» turǵyn úı kesheniniń 28 úıin jylytý júıesine nelikten qosylmaǵanyn túsindirdi, dep habarlaıdy QazAqparat Almaty ákimdigine silteme jasap.

«Qazirgi tańda «Alma Sıtı» E5 turǵyn úı kesheni paıdalanýǵa berilmegen jáne qala ballansynda emes. Sonymen qatar, turǵyn úı kesheni boıynsha kommýnaldyq kásiporyndar qol qoıýǵa tıis nysannyń daıyndyǵy týraly deklaratsııa joq.

Turǵyndardy paıdalanýǵa berilmegen úıge ornalastyrý úshin «Qazaq Stroy» JShS qurylys salýshy kompanııasy jaýapty. «Qazaq Stroy» máseleni sheship, úılerdi ortalyq jylýmen tezirek jabdyqtaýǵa qosý úshin qajetti sharalardy qabyldap jatyr. Qurylys salýshy óz mindettemelerin oryndaý boıynsha kepil hat usyndy»,-delingen habarlamada.

Sonymen qatar, barlyq tehnıkalyq qujattamany alǵan soń «Almaty jylý jelileri» JShS qyzmetkerleri turǵyn úılerdi turaqty jylýmen jabdyqtaýǵa qosý múmkindigin baǵalaý úshin qaıtadan tekseredi.