Almatydaǵy ál-Farabı ortalyǵy qalaı jumys isteıdi
«Bul – jahandyq mańyzdy oqıǵa, ál-Farabı jyly ıÝNESKO-nyń qoldaýymen birinshi ret ótkizilip otyrǵan joq. 1970-shi jyldary ál-Farabıdiń 1100 jyldyǵy jahandyq deńgeıde úsh qalada ótti: Almaty, Máskeý jáne Baǵdat. Ǵulamaǵa arnalǵan is-sharalar jyl boıy uıymdastyryldy. Búgingi sharanyń da alar orny bólek. Ál-Farabı tek Qazaqstan úshin ǵana emes, álem úshin mańyzdy tulǵa», – dedi Bekjan Meıirbaev.
Ol 1993 jyldan bastap ýnıversıtet qabyrǵasynda «ál-Farabı jáne qazaq halqynyń rýhanı murasy» atty ǵylymı-zertteý jáne bilim berý ortalyǵynyń jumys istep turǵanyn jetkizdi.
«Aýqymdy sharalar aıasynda biz óz qyzmetimizdi keńeıtip, ál-Farabıdiń ortalyǵyn quryp jatyrmyz, ol ǵylymı-zertteý jáne ǵylymı-bilim berý qyzmetimen qatar ál-Farabıdiń ıdeıalary men shyǵarmashylyǵyn nasıhattaıtyn bolady. Ál-Farabı ınternet-portalynyń qurylýy men búgingi tusaýkeseri - sonyń aıqyn dáleli. Biz barlyq mańyzdy jáne sapaly mazmundy aqparat berýdiń tásilin ózgertip, zamanaýı formatqa kóshemiz. Bul saıt álemniń túkpir-túkpirindegi farabıtanýshylar úshin ashyq suhbat alańy bolmaq. Ol Invisible College qaǵıdatyna negizdelgen jáne onlaın rejiminde kez kelgen adam tirkelse, ony tyńdaı alady», - dedi spıker.
Búgin QR Memlekettik hatshysy Qyrymbek Kósherbaev, bilim mınıstri Ashat Aımaǵambetov, mádenıet jáne sport mınıstri Aqtoty Raıymqulova, BUU jáne ıÝNESKO, IYU, Qazaqstandaǵy dıplomatııalyq mıssııalardyń ókilderi, memleket jáne qoǵam qaıratkerleri, JOO rektorlary, ǵylymı ortalyqtar men ǴZI jetekshileri, tanymal sheteldik jáne otandyq ǵalymdar, otandyq jáne sheteldik BAQ ókilderi, oqytýshylar men stýdentterdiń qatysýymen ál-Farabı ortalyǵy saltanatty túrde ashyldy.