Almatydaǵy aktsııa: 100 balaǵa mektep quraldary berildi
23:59, 23 Tamyz 2019
ALMATY. QazAqparat- Almatyda QHA ókilderi «Mektepke jol» aktsııasy aıasynda 100 balaǵa mektep quraldaryn alyp berdi, dep habarlaıdy QazAqparat tilshisi.
«Mektepke jol» jalpy respýblıkalyq aktsııasy QHA jáne «Ahyska» túrik etnomádenı ortalyǵyǵynyń uıymdastyrýymen ótti.
Kópbalaly otbasynan shyqqan balalar men jetimder úıiniń tárbıelenýshilerine mektepke qajetti quraldyń bárin tabys etti.
« Munda ár ulttyń ókilderi otyr. Qazaq, túrik jáne taǵy da basqa. Osy balalar mektepke kóterińki kóńilmen, otansúıgishtik sezimmen, ıaǵnı qamqorlyqty sezinip barsa deımiz. Bul balalardyń oqýyna da áser etedi. Bolashaqta olardyń turmysy jaqsarady dep oılaımyn», - dedi QR Prezıdenti janyndaǵy «Qoǵamdyq kelisim» RMM dırektory Sattar Májıtov.