Almatydaǵy № 175 jalpy bilim berý mektebi Uly Otan soǵysy ardagerlerimen kezdesý ótkizdi

ALMATY. Sáýirdiń 9-y. QazAqparat / Ádilet Musahaev / - Almatyda Áýezov aýdany ákimdigi men № 175 jalpy bilim berý mektebi ákimshiliginiń uıymdastyrýymen Uly Otan soǵysy ardagerleriniń qatysýymen merekelik is-shara ótti,

dep habarlaıdy QazAqparat Áýezov aýdany ákimdiginiń baspasóz qyzmetine silteme jasap.

Uly Jeńisti alyp bergen atalarymyzdyń erligin qurmetteýimiz qajet, deıdi jıynǵa qatysýshy jas urpaq.

Jıynǵa Shikibaev Jumaqan, Astashkın Vıktor, Vıtýshkın Grıgorıı jáne Kerimqulov Jańbyr syndy soǵys ardagerleri kelip, qazaqstandyqtardyń surapyl soǵysta kórsetken erligi jaıly baıandap, bolashaq urpaqqa patrıottyq tárbıe beretin ósıetterin aıtty.

Atalmysh is-sharaǵa Áýezov aýdany ákimi apparatynyń jaýapty qyzmetkerleri, Uly Otan soǵysy ardagerleri, aýdandyq bilim bóliminiń bastyǵy, aýdandyq ardagerler keńesi tóraǵasynyń orynbasary Sotsıal Asýbaev qatysty.

Sonymen qatar keshte qonaqtarǵa arnap qazaqstandyq estrada juldyzdary men aýdannyń mektep oqýshylary merekelik kontsert qoıdy.