Almatyda «Jyr alyby – Jambyl» atty mýzykalyq poezııa keshi ótti
Іs-shara QR Ulttyq kitaphanasynyń óner bólimi janyndaǵy «Іnjý-marjan» klýby aıasynda ótkiziledi.
Mýzykalyq-poezııalyq keshtiń maqsaty – aqynnyń poezııalyq murasyn jańǵyrtý, onyń shyǵarmashylyǵyn keńinen nasıhattaý jáne dáripteý, onymen jastardy tanystyrý.
Sharaǵa belgili qoǵam qaıratkerleri, jazýshylar, jambyltanýshy men tanymal kompozıtorlar qatysty. Atap aıtsaq, Naǵashybek Qapalbekuly, Temirhan Tebegenov, Saltanat Aıbergenova, Balnur Qydyrbek, Shaıahmet Aljambaev, Habıbolla Setekov, Baqytjan Shormaqov jáne taǵy basqalary.
Mýzykalyq-poezııalyq kesh aıasynda kitaphananyń Oraz Jandosov atyndaǵy «Qazaqstan kitaptary» jáne merzimdi basylymdar zalynda uly aqyn, sýyryp salma óneriniń klassıgi Jambyl Jabaevtyń 175 jyldyǵyna arnalǵan kitap kórmesi uıymdastyryldy. Onda aqyn shyǵarmalary men ol týraly ádebıetter usynyldy.
«Qazaq poezııasynyń kóp ǵasyrlyq tarıhyndaǵy jyraý, poezııa alyby Jambyl Jabaevtyń týǵanyna 175 jyl toldy. Búginde memlekettik deńgeıdi halyqaralyq sıpaty bar úlken is-sharalar bastaldy. Sonyń bir jarqyn kórinisi Ulttyq kitaphanasyndaǵy sharany aıtýǵa bolady. Munda arnaıy kórme men ǵalymdardyń konferentsııasy uıymdastyryldy. Bul halqymyzdyń rýhanı qundylyqtaryn ulyqtaýdyń úlken kórinisi»,- deıdi Qazaqstan Jazýshylar odaǵynyń múshesi Temirhan Tebegenov.
Sondaı-aq, búgin QR Memlekettik hatshysy Qyrymbek Kósherbaev, Mádenıet jáne sport mınıstri Aqtoty Raıymqulova, Nur-Sultan qalasynyń ákimi Altaı Kólginov, aqyn-jazýshylar, jambyltanýshylar jáne qoǵam qaıratkerleri Elorda da Jambyl Jabaevtyń eskertkishine gúl shoǵyn qoıdy.
Aıta keteıik, keshe Jambyl Jabaevtyń 175 jyldyq mereıtoıyn daıyndaý jáne ótkizý jónindegi memlekettik komıssııanyń alǵashqy otyrysy ótti.
Mereıtoılyq jyl ishinde respýblıka boıynsha 500-ge jýyq áleýmettik, ımıdjdik, ǵylymı, tanymdyq is-sharalar ótkiziledi. Budan bólek, aqyn ómirinen derekti fılm túsirý, óleńderiniń jańa jınaqtaryn shyǵarý, aıtystar men ádebı konkýrstardy, kitap kórmelerin uıymdastyrý, mereıtoılyq moneta, poshta markasyn ázirleý jáne basqa da sharalar ótkizý kózdelip otyr.