Almatyda jylytý maýsymyna daıyndyq keste boıynsha júrip jatyr
Qala basshysy tutynýshylarǵa qyzmet kórsetý ortalyǵynyń jumysymen jáne kásiporynnyń bas dıspetcherlik pýnktimen tanysty. Aralaý barysynda qala ákimi Almaty qalasyn jylýmen jabdyqtaý júıesi nysandarynyń aýqymyn keńeıtý jáne dıspetcherleýdi jańǵyrtý týraly tapsyrma berdi.
Budan keıin Erbolat Dosaev tirshilikti qamtamasyz etý júıeleriniń, áleýmettik nysandar men qalanyń turǵyn úı qorynyń daıyndyǵy jaǵdaıymen tanysty.
Energetıka jáne sýmen jabdyqtaý, kommýnaldyq ınfraqurylymdy damytý, densaýlyq saqtaý jáne bilim basqarmalarynyń basshylary men «Almaty jylý jelileri» JShS, «AlmatyTeploKommýnEnergo» JShS, «Almaty Sý» MKK, «Almaty elektr stantsııalary» AQ, «Alataý Jaryq kompanııasy» AQ jáne «QazTransGazAımaq» AQ basshylary Almatynyń kommýnaldyq kásiporyndary júrgizetin jóndeý jáne daıyndyq jumystarynyń aralyq qorytyndysy týraly baıandady.
Energııa kesheni men ınjenerlik jelilerdiń 2023 jylǵy 14 shildedegi jaǵdaı boıynsha qysqy jylytý kezeńine daıyndyǵy keste boıynsha júrip jatyr, qazir 55,3%-ǵa daıyn. Bul ótken jyldyń osy kezeńimen salystyrǵanda 2,3%-ǵa kóp. Jumystyń negizgi bóligi bıyl 20 tamyzǵa deıin aıaqtalady.
Atap aıtqanda, jylý jelileriniń daıyndyǵy 65%-ǵa jetti. Jylý kózderi, sýmen jabdyqtaý jelileri jáne elektr jelileriniń daıyndyǵy 50%-dan asty. Kómir men mazýt qorlaryn jınaqtaý da jospar boıynsha júrip jatyr, «AlES» AQ nysandarynda 97% kómir (166 myń tonnanyń 160,3-i) jáne 55% mazýt (16 myń tonnanyń 8,9-y), «AJKE» JShS – 26,4% kómir (120 tonnanyń 31,7-i) jáne 90% mazýt (8,7 myń tonnanyń 7,9-y) daıyndaldy.
Erbolat Dosaev turǵyn úılerdiń kúzgi-qysqy kezeńine daıyndyq máselesine erekshe nazar aýdaryp, kommýnaldyq ınfraqurylymdy damytý basqarmasyna jáne aýdan ákimderine osy jumysty baqylaý boıynsha naqty tapsyrmalar berdi.
Sonymen birge qalanyń qys mezgiline, onyń ishinde qalanyń barlyq áleýmettik nysanynyń daıyndyǵy máselesin baqylaýda ustaýdy jalǵastyratynyn aıtty.