Almatyda jylyna 200-ge jýyq jer silkinisi tirkeledi

ALMATY. QazAqparat- Almatyda jylyna 200-ge jýyq jer silkinisi tirkeledi. Bul týraly óńirlik kommýnıkatsııalar qyzmetiniń brıfınginde qalalyq tótenshe jaǵdaılar departamenti basshysynyń mindetin atqarýshy Erlan Álibekov málim etti, dep habarlaıdy QazAqparat tilshisi.

Spıkerdiń sózinshe, Almaty qalasy 9-10 balldyq seısmıkalyq aımaqta ornalasqan.

«Jyl saıyn qalada 200-ge deıin álsiz, sezilmeıtin jer silkinisi bolady. Bul rette kúshi 2-den 4 ballǵa deıingi jer silkinisi Almaty úshin fondyq rejım sanalady. Seısmologııa ınstıtýtynyń boljam komıssııasynyń málimetinshe, jyl sońyna deıin qalada 7 jáne odan da kóp balldyq jer silkinisi kútilmeıdi»,- dedi Erlan Álibekov.

Aıta keteıik, 28 qarasha kúni Almatydan 668 shaqyrym qashyqtyqta jer silkingen edi.

Zilzalanyń oshaǵy Almaty qalasynan ońtústik-batysqa qaraı 243 km qashyqtyqta Qyrǵyzstan aýmaǵynda ornalasqan.

Energetıkalyq klasy – 9.9. MPV magnıtýdasy – 4.6. Epıtsentr koordınaty – 41.16° s.e. 75.88° sh.b. Tereńdigi – 15 km.

Sezilgeni týraly aqparat joq.

Foto: assicuraci.it

Tegter

{

Seıchas chıtaıýt

Odan da kóp jańalyqtar bizdiń Telegram-arnamyzda!