Almatyda jylýmen jabdyqtaý tarıfi qymbattaıdy

ALMATY. QazAqparat - Tabıǵı monopolııalardy retteý komıteti Almaty qalasy boıynsha departamentiniń 23 maýsymdaǵy buıryǵyna sáıkes jylýmen jabdyqtaý tarıfi 1 shildeden bastap ulǵaıady, dep habarlaıdy QazAqparat tilshisi.

«Almaty jylý júıesi» JShS málimetinshe, halyq úshin jylýmen jabdyqtaý qyzmetteri qunynyń ósimi 20% – 5 839,23 teńgeden 7 007,08 teńgege deıin/Gkal, bıznes úshin 30% – 12 870,44 teńgeden 16 731,57 teńgege deıin/Gkal. Negizgi júkteme bıýdjettik uıymdarǵa túsedi, mólsherleme 36% - 25 698,42 teńgeden 34 971,84 teńgege deıin/Gkal-ǵa deıin ulǵaıady.

«Tarıfti ınvestıtsııaǵa aıyrbastaý» memlekettik saıasatyn iske asyrý túsken qarajatty jylý jelilerin jóndeý jumysyna baǵyttaýǵa múmkindik beredi. Qosymsha qarjylandyrý apatty azaıtýǵa jáne kórsetiletin kommýnaldyq qyzmetterdiń sapasyn arttyrýǵa yqpal etedi. 2023 jylǵy jaǵdaı boıynsha jylý jelileriniń tozýy 59,2%. 2023-2026 jyldary 116 km kommýnıkatsııany jańartý josparlanǵan, bul tozǵan jelilerdi 8% azaıtýǵa múmkindik beredi», - dep habarlady «Almaty jylý júıesi» kompanııasy.

Eske sala keteıik, buǵan deıin Almatyda sýyq sý men káriz tarıfi ózgeretinin habarlaǵanbyz.